هذه القصيدة واقعية عبرت فيها عن حادثة وقعت لي في 2004 عندما تمّ إيقافي على ذمّة القضية التي حيكت ضدي انذاك لزجي بالسجن والتي اشتهرت انذاك وقد غنيت احداثها في تسجيلات لاقت الصدى لدى الجمهور لأنها واقعية وكتبت بدم القلب ودمع العين ..والقصيدة الحالية جزء منها إذ صمم قائد فرقة الشرطة الذي كان يكن لي الحب والاحترام قبل ذلك نفاقا وادعاءا ..ظهر على حقيقته وأبان عن حقد دفين وغيرة عمياء واستغل الموقف لإذلالي فأمر شرطي ان يقيّدني حتى يراني جمهوري وابناء بلدي في تلك الصورة ..لكن رحمة الله كان اوسع بي ونصرني واثبتت شخصيتي و وواجهت ذلك الشخص الذي راح يبرر فعلته ويعتذر عنها ....
إرحموا عزيز قوم ذلّ
لوما فيهاش حقد قاتل لوما فيهاش حقد قاتل .....رمز بلادو ما يتسنسل
وقائد الفرقة دار الباطل.... أمر الشرطي عليا بالخف
قالو الشيخ لازم يتكتف
إرحموا عزيز قوم ذلّ
لوما فيهاش حقد قاتل لوما فيهاش حقد قاتل .....رمز بلادو ما يتسنسل
وقائد الفرقة دار الباطل.... أمر الشرطي عليا بالخف
قالو الشيخ لازم يتكتف
الشرطي حشم قلتلو ساهل .... على واش أمرك لا تتأجل
أنت ما بيدك واش تعمل ..... أهنا قلتلو لازملك تعرف قلبو بالحقد راه مصوف
أنت ما بيدك واش تعمل ..... أهنا قلتلو لازملك تعرف قلبو بالحقد راه مصوف
أعطيتلو ذراعي قلتلو تفضل... امرك قالك سنسل سنسل
راهو باغيني نتبهدل .......ايفوتني على الشعب امكتف
أتمنا فيا و أوصل للهدف
راهو باغيني نتبهدل .......ايفوتني على الشعب امكتف
أتمنا فيا و أوصل للهدف
تمنا فينا أو كمل قصدو ... أفرح أو فرح سيادو
اليوم فرح أكبيرعندو .....هذا شحال او هو يحلف
باش ايشوف الشيخ مكتف
اليوم فرح أكبيرعندو .....هذا شحال او هو يحلف
باش ايشوف الشيخ مكتف
سعدو سنسل رمز بلادو ...الحقد الي في قلبو جبدو
ارتاح او وفا مورادو ....شعل قارو وبقى يتكيف
لأنو إنسان مستضعف
ارتاح او وفا مورادو ....شعل قارو وبقى يتكيف
لأنو إنسان مستضعف
لو كان جات احياتي بيدو ....يطحني باش يخلف كيدو
يبقى ايدور غير هو وحدو .....امعمر البلاد او يتسكف
والشعبي كي يشوفو يترجف
يبقى ايدور غير هو وحدو .....امعمر البلاد او يتسكف
والشعبي كي يشوفو يترجف
اشهدو عليه يا سكان الشلف .... يوم جاب رمز البلاد امكتف
12 سبتمبر ما يتتلـــــــــــــف ....طاح بالحد الفين او ربعا
ذاك اليوك بكيت بالدمعة
12 سبتمبر ما يتتلـــــــــــــف ....طاح بالحد الفين او ربعا
ذاك اليوك بكيت بالدمعة
ليام راهي تجري بالخف .....والي دار الشر يتسلف
انهار الي يتقرص يعرف ..... ما معنى لدغة لفعة
بعد الظلم ادور الساعة
انهار الي يتقرص يعرف ..... ما معنى لدغة لفعة
بعد الظلم ادور الساعة
اما انا راني موالف ...... كابر من صغري انساعف
والي ضاعلي كل يتخلف ....ان شا الله يرجع بالشبعة
طعت الله والوالدين طاعا
والي ضاعلي كل يتخلف ....ان شا الله يرجع بالشبعة
طعت الله والوالدين طاعا
الباطل اظهر والحق اتخبا .... أسألوا صحاب التجريبا
هذا صح ماهيشي كذبا .... يبقى ضاوي كي الشمعا
أو شخصية الزعيم مرتفعة
هذا صح ماهيشي كذبا .... يبقى ضاوي كي الشمعا
أو شخصية الزعيم مرتفعة
تمت هذه القصيدة في يوم 12 سبتمبر 2004
كلمات الأديب المنسي محمد بلخياطي
كلمات الأديب المنسي محمد بلخياطي
0 commentaires:
التعبيرات