mohamed belkhayati الي راه عايش غير النــــــــــصاب

الي راه عايش غير النــــــــــصاب
أو الملقط والـــــــــــــــــي كذاب
يا الي تفهم قلبـــــــــــــــــــي طاب
الوقت هاذا ما نجمــــــــــــــتوش
اصعاب هاذو لعباد اصــــــــــعاب 
خربو المجتمع تــــــــــــــــخراب
والصحيح زاد عليه لــــــــــــعذاب
دور الثعالب ما يقدرلــــــــــــوش
راه مغلوق عليه البــــــــــــــــــاب
الزعاف والهم مع التشــــــــــغاب
لو كان جات الحالة صــــــــــواب
لعباد هاذو ما يصلــــــــــــــحوش
امنين جات الدنيا قــــــــــــــــلبات
اذياب راهم رجعــــــــــــو سدات
الدوفيز والهما والـــــــــــــجولات
والبنات قاوي ما نحســـــــــــبوش
والبدل بين الســــــــــــــــــــيارات
غير باش ايغرو العمــــــــــــــيات
قادرين الهاذ الشوفــــــــــــــــــات
اولاد والو ما يحشـــــــــــــــموش
فسدو كل المخلوقــــــــــــــــــــات
شي خدايم ما نذكروهمـــــــــــــش
داخلين عليها غي هفـــــــــــــــات
والكذب مع الديعايـــــــــــــــــــات
كسرو المجتمع تكســـــــــــــــــار
الله يسترنا يا ســـــــــــــــــــــــتار
خادمين اطراطـــــــــــــــــق كبار
ياكلو البنادم ما يشبــــــــــــــعوش
ما كانش فيهم واش تخطــــــــــار
هاذو الي وصلونا للعـــــــــــــــار
النصاب تلقى وجهو يصفــــــــار
على المناكر ما صبـــــــــــــروش
اليوم نفضحلهم لســـــــــــــــــرار
ولخبار تمشي من دار لــــــــــــدار
هكذاك يظهر الي غـــــــــــــــدار
الناس تضحى ما تقابلــــــــــــــوش
هاذو الي يلعبوها ريـــــــــــــجال
اصحاب قيمة واصحاب امــــــوال
او هوما لمخير فيهــــــــــــم بدال
بدل الصافي بالمغــــــــــــــــشوش
مزالهم ينكشــــــــــــــــــفو مزال
الحبس فيهم والقتل أحــــــــــــــلال
بسبابهم يفشلو العــــــــــــــــــمال
ينكرو الخدايم ما يخدمــــــــــــوش
اللصوص راهم يلعبو بالـــــــمال
او يتكسلو في وحد التكــــــــــــسال
والرجال مشيتهم بالتخـــــــــــتال
للطراطق ما يقـــــــــــــــــــدروش

تمت هذه القصيدة يوم 20/01/1991
من تأليف الشيخ محمد بلخياطي

التصنيف: #قصائد مكتوبة

شارك:

 بواسطة : Unknown

 أضف تعليق

samedi 23 janvier 2016